সমপাদকীয় প্ৰথমে আপোনালোক সকলোকে স্বাগতম জনাইছোঁ । গুহা জীৱনৰ পৰাই মানৱজাতীয়ে মনৰভাব প্ৰকাশ কৰিবলৈ বিভিন্ন চিহ্ন আকাৰ-ভংগী ব্যৱহাৰ কৰিছিল।কাল-ক্ৰমত ইয়ে উন্নতহৈ ভাষাৰ ৰূপ লয় আৰু এটা সময়ত কাগজ আৰু বিজ্ঞান-প্ৰযুক্তিৰ উন্নতিৰ ফলতে মুদ্ৰণৰ মুখদেখে। বৰ্তমান মানৱজাতিয়ে চতুৰ্থ উদ্যোগিক বিপ্লৱ(4IR)ত ভৰি দিছো। সকলো কৰ্ম স্মাৰ্ট, কৃত্ৰিম বুদ্ধিমত্তা(AI) আৰু ইণ্টাৰনেট নিৰ্ভৰশীল হৈছে। এনে এটি সন্ধিক্ষণত ভাষা-সাহিত্য বিকাশ আৰু উন্নতিত ই-সাহিত্যৰ প্ৰয়োজনিয়তা আহি পৰিছে। তথ্য-প্ৰযুক্তিৰ বহল প্ৰসাৰে ভাষা এটাৰ স্বকীয় চিনাকিৰে জীয়াই ৰাখিবলৈ ইণ্টাৰনেটত ভাষাটোক উপস্থাপন কৰাটো সময়ৰ আহ্বান হিচাবে থিয় দিছে। ইয়াৰ বাবে আমিও আমাৰ ভাষাটোক প্ৰযুক্তিগতভাৱে আগবঢ়াই নিবই লাগিব, এইয়া আমাৰ কৰ্তব্য নহয় দ্বয়িত্বও। এনে উপলব্ধিৰ ফলতেই পঞ্চনৈ শব্দধাৰা ই-আলোচনীখন লক্ষীমপুৰ জিলা সাহিত্য সভাৰ আবেগ-অনুভুতি ৰূপে জন্ম হ’ল। বিশ্বায়ন বা গোলকীকৰণৰ এই যুগত ই এখন বৌদ্ধিক মঞ্চহৈ উঠক জিলাখনত, ৰাজ্যখনত আৰু বিশ্বত। বিশ্বৰ চুকে-কোনে থকা প্ৰতিজন অসমীয়া এই মঞ্চত জড়িত হওক আৰু তেখেত সকলৰ নতুন চিন্তাধাৰা প্ৰৱাহিত কৰি এই মঞ্চখন আগবঢ়াই লৈ যাব বুলি আমি আশাবাদী আৰু তাতেই আমাৰ এই ক্ষুদ্ৰ প্ৰয়াসৰ সাৰ্থকতা৷ শেষত সাহিত্যৰথী লক্ষ্মীনাথ বেজবৰুৱাৰ ভাষাৰে ‘পৃথিৱীৰ ক’তো বিচাৰি নোপোৱা’ অসমৰ সুৱদী মাত, আমাৰ অসমীয়া ভাষাটো ই-সাহিত্যৰ যুগেৰে বিশ্ব দৰবাৰত জিলিকি উঠক । জয়তু অসম সাহিত্য সভা। জয়তু লক্ষীমপুৰ জিলা সাহিত্য সভা। যুগান্ত শইকীয়া